لا انا فعلا متضايق
من يوم الجمعه بالليل و انا فعلا متضايق
مش عارف اضحك كالعاده ولا حتى ابتسم
مكشر طول الوقت و فعلا بدات ادخل فى مزاج سودوى و مش عارف اعمل ايه
قاعد السبت كله فى البيت مش باكلم حد و عمال امنع نفسى بالعافيه انى اكتب هنا علشان ماعملش موجات ضارة التاثير
بابا اتصل بى يوم الجمعه بالليل "هو مش فى مصر" و قاللى ماتروحش مظاهرات تانى. الناس التانيه اللى بتروح مسنوده و لو انا كنت فى مصر كنت سبتك تعمل اللى انت عايزه
المصيبه انى وعدته انى مش هاروح تانى رغم ان ده تعدى على حقوقى و تدخل فى حريتى
عذرا يا ابى... اخالفك الراى
عذرا يا ابى ... لا يعنينى ان كان هذا ضعف منك او منى
عذرا يا ابى ... مع محبتى لك لكن ان كنت اقص عليك ما افعل فتستغله لتقييدى فانا اسف.
فعلا متضايق و ماليش نفس اكلم حد ولا اعمل اى حاجه
المصيبه انى بدات ادخل فى حاله سودويه تماما
و اللى يعرفونى يعرفوا ده معناه ايه
نفسى اعيط و حتى مش قادر
مش هكذب عليك و اقول لك حاسس بيك. (ابوي عاوز يخلص مني تقريبا و بيقول لي روح مظاهرات براحتك ) لكن هقول لك متزعلش لأنه مهما كان فهو خوف عليك مش تحكم فيك. إلتمس له العذر و فكر يا اخي بصورة إيجابية ولا انت نسيت تفكر كده ازاي؟ :)
بجد بقت حاجة تفقع.
هو الفكر في البلد دي بقى كده؟؟ حتي عشان تقول لأ لازم تكون مسنود؟؟
بصراحة يخرب بيت أم موضوع السند والواسطة والتضبيط والقرف ده، لما تحاول ماتعتمدش على الموضوع ده ولا أنت ابن مين ومش عارف ايه حيطلع عينك كمواطن عادي، فاكرين في المدرسة كانوا بيقولوا كلام فارغ عن "القضاء على الواسطة والمحسوبية" وحاجات كده؟ من موقعي هذا أحب أقول هأو، قابلني يا عمر.
المهم يا سمير برضه سيبك من التفكير السوداوي وخدها سخرية ماهي مسخرة وشغالة ويندوز.
اسأل محمد سمير لما راح ياخد التطعيم فى العباسية قبل سفره افريقيا كان فى واسطة و محسوبية والا البلد نضفت ؟
هي إيه حكاية مسنودين اللي ماشية في البلد دي؟
أنا سمعتها من شخص آخر كان زمان بيدوّن، و واخد موقف هو و جماعة تانيين أنهم ما يجوش مظاهرات أبدا. بعضهم ما قالش دا علنا لكن مفهوم من موقفهم أن دا السبب.
بالمنطق كدا لو في حد مسنود يبقى مش من مصلحته يروح مظاهرات أساسا. و بعيد مش لازم ال بيروحوا مظاهرات يتقبض عليهم علشان الباقيين يصدقوا! و للا ساعتها هياخفوا أكتر؟! و للا يمكن تتولد نظرية مؤامرة أنهم ما اتقبضش عليهم و لاحاجة لكن كانوا حاجزينلهم في هيلتون طابا و موهمين الناس أنهم اتقبض عليهم.
مش محتاج أقول أن كل واحد حر ييجي أو مايجييش.
(الكلام مش ليك يا سمير، لكن الموضوع كان زانقني الحقيقة)
باباك خايف عليك...و علي بيته...مش يقصد يقيد حريتك..بس كمان في ناس غيرك في البيت...انت المسئول عنهم في غيابه!! يعني انت مش لوحدك...فوق...و أخرج مع ناس بتحبهم..أو بتستريح معاهم..معلش :))
heh, i told my parents i was studying 3and wa7d sa7be, cold blooded lieing, it felt good..
anyways, i got one word for you.. sitcoms.
welcome to the club
الحكاية دي في دماغي من فترة ,في مجتمعاتنا يعتبر الوالدين انهما مسئولين عن "اطفالهم" حتى لما شعرهم يبيض (الابناء) و اللحظة التي يمكن ياخذ الابناء فيها حق الاختيار لا تاتي ابدا
مشكلتي انا مع ماما , و انا اصلا منذ وفاة والدي اشعر بذنب رهيب اذا اغضبتها او ضايقتها , لكن احيانا اشعر انه من غير المنطقي ان اكون في السادسة و العشرين , و باتخذ قرارات تخص مرضاي و لست اهلا لاتخاذ قرارات تخصني انا
BooDy: Internal satisfaction is based on multiple things "in my case" One of them is an ammount of freedom and satisfaction at home, If you break it then you are removing one of the supports. But the moment I started to go without it was the moment my father phoned me again ;-)
ezabi: تستاهل لما يكون اسمك احمد _العزبى_ و ماتستعملوش
belila: I don't like this honestly, I can't be against lies when I do it!
Nerro & bluerose: المصيبه ان عندهم حق بس برضو فى الاخر دى حياتى
bluerose: مش قادر الومها بس لو انت فى مكانها هاتعملى كده. على اى حال خدى بالك من نفسك و من نيرو "يالله اهو حد تتحكمى فيه :-)"
عقبال ما اشوف ابنك كده اخد ابن علاء و ماشى يلف على المظاهرات الى فى البلد و انت ماشى وراه فى الاقسام و لما تيجى تكلمه يقولك حرية شخصية
مانا مش هاجيب عيال علشان كده :-)
فعلا يا محمد يا سمير ضحكتني، ماكنتش هاعلق اصلا عشان مافيش حاجة ممكن اقولها بس لما قرأت آخر تعليق لك ضحكت الحقيقة :-)
ايه الكلام ده؟
انا مافهمتش حاجة..