تنويه: اللى بيكسف و ممكن يضايق يقف هنا

فيه ناس قالت لى ان التنويه مالوش لازمه و ان مافيش حاجه فى اللى انا كاتبه:

سمعت كلمة من واحد قبل كده: انا عايز اجوز علشان امارس الجنس.
لا يا شيخ ؟ هى دى كل نظريتك عن الجواز ؟ طبعا لا احد ينكر ان هذا احد الاسباب لكن لو انك تظن انه السبب الرئيسى او الاوحد فيا ابن الناس بلاش تظلم نفسك و تظلمها

واحد تانى يقوللى: اجوز واحده مش اذكى منك علشان تعرف تلعب بديلك من وراها
لا تعليق

ايه الشعب مدعى الفضيله وهو بيمارس كل الرذائل الموجوده

تعالا ياللى يتشتكى من لبس البنات
ياللى عامل فيها مسلم و تعرف ربنا

طبعا انا مش باقول ان البنات صح ميه فى الميه بس بدال ما انت ماشى ورا بتاعك فيه حلول. عارف ايه هى ؟

سمعت عن غض البصر ولا ما سمعتش ؟
سمعت ان الرسول عليه الصلاة و السلام قال صوم النهار و قوم الليل ؟

تعالا يا بيه ياللى بتشتم اى واحده معديه و تقول عليها اى كلمه غير مهذبه او تشتمها بالاهل: مين قاللك ؟ حكمت ازاى يا تييس ؟
عمرك ما عرفت ان من اكبر الكبائر ان يلعن الرجل والديه ؟

من امتا كان الحجاب دليل العفه الوحيد او كان عدم لبسه دليل الفجر الوحيد ؟
اللى تلبسه على عينيا و على راسى هى حره
و اللى ماتلبسوش على عينيا و على راسى برضو

ولا ايه يا دلدول الشيوخ اياهم اللى مش فاهمين حاجه ؟

ترضا الكلام ده يتقال على حد من اهلك ؟ لو معدوم المروءه يبقى انت اصلا مش بنى آدم و غور من هنا

ايه خلاص ماشى ورا بتاعك خلاص مش عارف تمسك نفسك ؟ امال راجل ازاى ؟

اه يا شعب يخفى الفجر فى اعماقه و يدعى الفضيله و... لا تعليق.

اضافه: كنت فاكر اكتب الحته الجايه و نسيت لكن زبيدة فكرتنى لما قريت لها تعليق:
مين قال صحيح ان اللبس اللى احنا ممكن نكون بنلبسه مش مثير بالنسبه لاحداهن او لكلهن ؟