يوم الخميس 28 ابريل اللى فات روحنا الغردقة
سيبك من ان انا صحيت من النوم متاخر و لحقت الاتوبيس قبل ما يمشى بكام دقيقة
المهم ان علاء ما لحقش يحجز فى ال سوبر جيت علشان خاطر عيون بوتين فا حجز فى upper egypt
الدرس الاول: upper egypt من العمرانيه. انا ممكن اعمل حاجة فى التنين البمبى و ماركبهاش تانى
الاتوبيس مشى الساعة 7 و نص
على 10 و نص حداشر الا ربع وقف. ليه ؟ اصل سربنتينة الزيت اللى عاملينها عمولة اتخرمت
المهم فضلنا واقفين ساعة ساعة و شوية لحد ما عرفو يسدوها بلبانة!
المهم الاتوبيس فضل ماشى بس بطىء بطء الافيال و وقف مرتين و نقلونا اتوبيس تانى من العمرانية برضو و من غير تكييف المهم ماطولش عليكم قول لا طول
ولا بلاش عشان ماحدش ينتحر كنت على السرير فى الاوضة على 5 و نص المغرب ولا العصر ولا شوفوا انتم بقة
الدرس الاول تانى: Upper Egypt من العمرانية
المهم الفطار كان من سبعة ل عشرة و العشاء من ستة ل تمانية و نص
اتعشينا و قلت ل علاء انتوا هاتخرجوا تاكلوا بره عشان الاكل ما عجبهمش قاللى اه قلتله اشطة انا هانام صحينى ابل ما تنزلوا عشان اجى
المهم صحيت الساعة 4 الفجر رحت قافل باب الاوضه و لابس هدوم غير بتاعة الخروج و متغطى و نمت
اليوم التانى و الدرس التانى: المصريين من العمرانية!
صحيت الصبح رحت افطر الساعة عشرة الا تلت يعنى ادامى تلت ساعة و ده وقت طويـــــــــــــــــــــــل انا فاكر فى الهند كنت باكل فى عشر او سبع دقائق
المهم قالولا التوقيت اتغير فا الساعة احداشر الا تلت يعنى مافيش اكل. تاخد قهوة ؟ قلت لهم اخد قهوة
المهم خلاصة الكلام ان فى الغردقة فى اى مكان فى اى وقت هتلاقى ميكروباس و ممكن جدا تستعمله بدل التاكسى و يسيب الخط بتاعه و اديله عشرة او خمستاشر جنيه و لو زرجن قله بلاش تطلع من الخط بتاعك و هديك الاجره اللى الناس العادية بتدفعها
و لو انت مصرى و عايز تظبط بنت اجنبية ماشى برضه فى الميكروباس و ده يا جماعة الدرس التانى و احنا ركبنا فى ميكروباس فيه المنظر ده عشان كنا تايهين فى حوارى الغردقة و سواق الميكروباس طلع شهم !
اليوم التالت: Snorkeling
اول مرة استعملت الزعانف كانت الغواصة هاتخبطنى ولا ده كان glass boot من اللى بينزلوا تحت الميه واللا ايه انا مش عارف
انا باعرف اعوم كويس من غيرها فا بالاها الزعانف
الدرس التالت انك لما تستعمل الزعانف خلى وشك فوق الميه !
اليوم الرابع: ال glass boot اللى خدناه كان من اتباع الشلمندى ! و كان معانا اسرة مصرىة معاها ساندويتشلت فسيخ ! المهم الدرس الرابع ماتروحش فى اى حته مع اسرة مصرية
كفاية البنت الصغىرة اللى كانت عماله تتف فى المركب كل حبة و تكسر فيها و كل شوية اهلها يخشوا فيها شمال من غير ما يقولولها و البنت مش فاهمة ليه
اه انا ما قلتش على المصريين اللى كانوا ماشيين من الفندق تانى يوم و نظام فين يا بت الحلة و انا لما كنت قدك كنت باعمل كل حاجة و انتى لو اجوزتى تخلفى و كده
الحمد لله انهم مشيوا يوميها
يبقى الدرس الرابع انك ماتخرجش فى حته مع اسره مصرية
اخر يوم رحنا اكلنا فى اسماك المينا انا و عزبى "عزبى بالمناسبة جاه الجمعة بالليل مش معانا من الخميس و يا بخته جاه بالسوبر جيت" و علاء و منال
جابوا لنا سمكة سنجارى مليانة لحمة بطريقة غريبة المهم جابوا لنا العيش بعد السمك ما نزل
المهم دفعنا متين و عشرين جنيه
روحنا باتوبيسات الجونة و الجونة تكسب و ده الدرس الاخير
يلاال باى !
ma3lesh ya m3allem, 2nta 3aref el balad deh mashya 2zay, we men 2mta ya3ni el 3'arda2a kanet 7elwa, bas 2nto 3aleko mazag 3'areeb, sharm ya m3allem, sa7 ?
3ammatan el goz2 bta3 el 3moola wel afl blebana 3agabny geddan, we 3agabny 2ktar lamma geh men wa7ed masry, 27na bardo 3amalyeen, LOL !
Tab lieh you talked about the bad points only?
Nothing mentioned about any good point, mesh ghareba? :)
I don't really know but you are right.
Maybe because I haven't seen the real city.
Maybe because every other thing is nice !
And I said good things about the fish !
>> Maybe because every other thing is nice !
w lieh madam howa nice, mesh ben2ol?
ana ao2lk lieh ...
La2enena kolena et3wedna ben2ol daiman 3ala el we7sh awel 7aga. (neshteki)
w ma ben2olsh 3ala el 7elw, la2enena taking it as granted, aw eno 3adi....
Maybe you are right.
I really don't know.
ده انجليزى ده يا مرسى
hoa 3ammatan eh ele momken yekon 7elw, 2na sha7'syean bakrah el 3'arda2a, in general ya3ni when it comes to masayef, NO WAY, i'm not that guy.
but i think eman is right, it's more like denieing the good to express sort of a sense that we are even greater than that, i can't get that straight, but i hope u get me. great catch ;)
الغردقة من العمرانية من الآخر ولا أقوللك احنا شكلنا ركبنا اوتوبيس العمرانية غلط
الغردقة دى بلد الحرية فى كل مكان وزمان
اود العمل فى الغردقة او شرم الشيخ انا طالب فى كلية الاداب جامعة المنصورة على قدر من الوسامة والجاذبية والحمد لله اتمنى ان يتحقق حلمى واجد من يقف بجوارى انا عشرين عام خفيف الحركة ونشيط