كيفية تظبيط الوينموطم الموتورولا اللى باباه بوبى

اولا احب اكتب مقدمة

طبعا كلنا عارفين ان نظام التشغيل هو البرنامج اللى بينزل على الكمبيوتر علشان يخلينا نتعامل معاه
انا مثلا باستخدم جنو لينوكس و اتوقع ان اغلب الناس بتستخدم نسخ غير اصلية من نظام مايكروسوفت المعروف باسم النوافذ

المودم ده الجهاز اللى بيخلينا نتصل بالانترنت و ده كان منتشر قبل ال دى اس ال

اى مكون من مكونات الكمبيوتر حتى الشاشة و لوحة المفاتيح محتاجة برنامج صغير "driver" علشان نظام التشغيل يتعامل معاه

الوينمودم ده عبارة عن مودم عادى جدا بس الشركة اللى بتصنعة عملت يرنامج تشغيله لنظام النوافذ بس

ايه موضوع المودم الموتورولا "sm56" ؟

ده وينمودم عملته موتورولا و لما بطلت الشركة تدعمه قام بقدرة قادر باه يتباع فى مصر

طبعا الناس كانت بتفشل فى تشغيله على اللينوكس
و كان الحل يجيبوا مودم خارجى من النوع اللى بيتوصل بجهاز الكمبيوتر عن طريق المنفذ التسلسلى serial port لان ده بيشتغل و المضوع اتحل

فى يوم موتورولا نزلت driver علشان اللينوكس يعرف يتعامل مع المودم ده

بس طبعا نزلته ل ريدهات و لاصدار قديم منه

طبعا الناس بتحاول تشغله على اصدار اجدد ما يشتغلش ييجوا يسالونا نقولهم مش هايشتغل يقوموا يقولوا لا ليه درايفر

خلاص انتم احرار نزلوا الاصدار القديم من ريدهات

طبعا ينزلوه و يشغلو المودم بس يبطوا فى كذا مشكله منها ان البرامج قديمة و العربى مش شغال و كده

الحل ؟

اخر ما اتخنقنا يوسف اسعد

كتب البتاعة دى و اتنشرت على موقع مجموعة مستخدمى جنو لينوكس مصر

كنا ساعتها فى الاول و بنتناقش ايه هى حدود الحديث اللى ممكن نتكلم فيها

لما يوسف نشر دى الناس عقلت و لغينا نشرها

بدون تفاصيل مصطفى حسين مسحها و خلاص انتهت من على النت و ماحدش لاقيها
انا كنت متاكد ان عندى نسخة مطبوعة فى مكان ما

امبارح كنا عند غربية و افتكرناها "على فكرة احمد غربية عنده المودم ده"
دورت عليها و لقيتها و قعدت كتبتها على الكمبيوتر

على فكرة فيها شتيمة فاللى ماعندوش استعداد يقرا شتيمة بلاش يقراها
ادى البتاعة اهى