حالة خمول

بجد
حاسس انى مش عايز اعمل حاجه ولا ليا نفس اعمل حاجة
ولا لى نفس ادور على شغل ولا حتى اتصل بالناس اللى عايزينى اشتغل معاهم
ولا حتى ليا نفس اكمل الشغل اللى بداته ابل رمضان
ولا حتى باروح المعهد "رغم انى دفعت المصاريف من جيبى"
و عايز اعمل 100 حاجه مهمه و مش طالبة معايا

بنام بالنهار و اصحى بالليل زى مانا عايز و برضو مش باعمل حاجه
الوقت بيروح فين ؟ ولا تفرق معى

حتى ماليش نفس اعلق فى اى من المدونات التى اتابعها

الغريب انى مش متضايق "اذا استثنينا حالة اكتئاب خفيفة"
اه ياخوفى لا تزيد
بس فعلا مش متضايق

الغريب برضو انى مش عارف اوصل لتفسير او يمكن مش عايز اوصل لتفسير

اه ياخوفى لا اكون عارف تفسير بس بانكره ؟ لا اظن

ولا حتى باكل زى ما انا متعود

و اصلا البتاع ده مش هانشره حتى

الغريب انى هانشره

من شوية كنت باكلم ابويا و قاللى فى التليفون ان انا مش بتاع الاعاد فى البيت و مش انا اللى اعرف اعد من غير ماعمل حاجة!!!

بجد يمكن دى اول مره ابقى مش فاهم نفسى من زمن طويل

او يمكن انى بادحك على نفسى و مفهمها انى فاهمها و انا ولا فاهمها ولا حاجة :-)

يمكن علشان كل يوم فول على السحور ؟ ;-)

هو ال theme الجديد ده ماله !!!
انا باسيب سطور فاضيه فى النص بس مش بتظهر
مضايقانى بس مكسل اشوف المشكله فين