Writings Photos Code Contact Resume
هاها

You are here

Submitted by msameer on Tue, 21/02/2006 - 9:27pm

حتى البقر اتجنن ... حتى البقر اتجنن

حتى الفراج اتنفلز ... حتى الفراج اتنفلز

و ليكم عليا اشرب ميه من الحنفيه و اكل فراخ كمان

يظهر الواحد اتجنن هو كمان

:-D

طب و الله الناس اللى عايشه فى بلدنا دى غلابه وولا هم فاهمين حاجه

ياعنى لما ترمى الفراخ فى النيل "اذا كان ده حصل فعلا" ما انت هاتشرب من المياه دى تانى

النظريه ان هم متعودين ان اى حاجه تترمى فى النيل من اول ولامؤاخذه لحد الحمير الميته

وياسلام لما النوبه و الناس اللى فى جنوب مصر لما "تفيرس النيل" و نتظبط كلنا

طب و غلاوتكم عندى مش قادر الوم الناس اللى بتخبى الفراخ علشان ما تندبحش. طب ماهى فلوسهم برضوا. يعملوا ايه يعنى ؟ يسيبوها تضيع كده ؟

طب انا عندى حل: يغلوا الفراخ فى المياه وبكده تتحقق 3 فوايد:
1: المياه اللى بيغلوا فيها دى هاتتعقم و تبقى صالحه للاستخدام الادمى بدل مياه النيل المتفيرسه!
2: الفراخ هاتستوى و ممكن تتاكل
3: لو الفرخه ماماتتش يبقى هاتدفى و تشعر بالحنان وساعتها يا هتديك انتاجيه اكبر يا هتساعدها تقاوم المرض. و انتم عارفين الدنيا برد!
4: الفيروس هايموت
5: استفدت ريش فراخ. يالله صباح المخدات اللى هاتتعمل "مين قال انه ريش النعام بس هو اللى ينفع ؟"
6: الفرخه هاتبيض بيض مسلوق يابوووووووووووووووى!!!!!!!!!!!!!!

طب بجد انا مش متصور عساكر الامن المركزى و هم بيجروا ورا بطه ولا فرخه فى الشارع :-)

طب عندى فكره هايله علشان نقضى على زيادة الشكان:

احنا نرمى الفراخ بقشرها فى المياه
السمك يبلعها يتعدى
السمك الناس تاكله و كل سنه و احنا و انتم طيبين

و الله انا مش عارف ايه التهييس اللى فوق ده. تاكلوا معايا لحمه و رز و خضار ؟ :-)

هم يضحك...
و هم يبكى...
و هم يا جمل...
... و هامبورجر!!!!!!!!!!!!!! ;-)

Comments

Submitted by Michael (not verified) on Wed, 22/02/2006 - 10:28am

انت متعرفش ان السمك كمان اتعبط و الخضار و الرز فيهم مبيدات انا بقترح ان الناس تاكل بعضها احسن

Submitted by michael ageeb@m... on Wed, 22/02/2006 - 12:55pm

نظرا لتفشي مرض انفلونزا الطيور سيتم استبدال النسر على علم مصر بسمكة مشوية

Submitted by دينا صفاء الدين (not verified) on Tue, 28/02/2006 - 12:03pm

ايه يا سمير الكلام الكبير ده كله، مش سهل انت خااااالص.
بس كل بالراحة عشان ماتمزروش.
كاك كاك كاك

Add new comment

Subscribe to /  digg  bookmark