Writings Photos Code Contact Resume
توغيد البقر!

You are here

Submitted by msameer on Fri, 03/03/2006 - 3:05pm

من الاخر

فيه ولامؤاخذه كلمات قليلة الادب فى البوست دى فاللى بيتضايق او بيتكسف او .... ما يكملش!!

كنت قاعد انا و محمد حازم و كريم قناوى و اسلام عامر

كان اهم مشروع طلعنا بيه هو احياء لحاجه كنت ابتديتها انا و علاء من كام سنه فى قعدة عربده

الا وهى اننا نحاول نعرب اسامى اوامر الجنو?لينوكس
فمثلا touch تبقى "حَسّسْ" و كده

اللينك اهى و كل واحد من حقه يحط اللى عايزه الصفحه لسه بسيطه بس انا عملتها سلق بيض فى نص ساعه و انا نايم على نفسى بعد ما رجعت!

سميه فراغ سميه قلة ادب سميه ضياع وقت سميه زى ما تسميه
ناس فاضيه و ماوراهاش حاجه ؟ حد عنده مانع ؟ حد نفسه فى حاجه ؟

تانى حاجه كنا اتكلمنا فيها رغم ان ليس لها علاقه بالى فوق ده:

فرعونكس متسنيه على اسم فرعون و انا فاكر فيه واحد على احد منتديات الجهل العربية قال لما سمع بيها: لم يجد غير اسم هذا الطاغوت ليسمى باسمه ؟

ففكرنا ان لو عملنا فرعونكس ب KDE و هى واجهة مستخدم اخرى لجنو لينوكس يكون اسمها "كفرونيكس" !!!!!!!!!!!

انا لسه صاحى من النوم :-)

صباح الخير!

Comments

Submitted by seekeroof (not verified) on Fri, 03/03/2006 - 3:58pm

صباح الفل

WhoAmI ...عارف أنا مين يا روح

Submitted by بيسو (not verified) on Fri, 03/03/2006 - 7:53pm

اولا الشكل الجديد و التصميم للمدونة هايل جدا و مريح اكثر للعين، لكن مش عارف ايه سبب وجود الاعلانات بتاعت جوجل دى؟؟

انا سجلت اللينك بتاع الصفحة و كل شوية لما يهف على دماغى تعريب لاسم ما هخش اسجله

Submitted by msameer on Sat, 04/03/2006 - 1:08am

بتجيب فلوس يا بيسو !!!

مش بذمتك انا استاهل كل خير ؟ :-)

Submitted by Alif (not verified) on Fri, 03/03/2006 - 9:11pm

عندي سكريبت أحب حد يترجمهلي:
unzip; strip; touch; finger; head; mount; join; fsck; more; yes; exit; umount; sleep;

FYI, in australia to "have a root" means to "have sex"

Submitted by msameer on Sat, 04/03/2006 - 1:09am

ده سيادتك معناه قليل الادب فمش هاقدر اقوله ;-)

Submitted by Green Data (not verified) on Sat, 04/03/2006 - 1:41am

يا ريت العالم بتوع تعريب _ خلي باك أخرها ب مش ص - اللينوكس ياخدو الفكرة ديه في إعتبارهم
و بالمناسبة يا ريت تبقي تنشر كل الأوامر بعد كده و ممكن تخليها ويكي علي فكرة

Submitted by msameer on Sat, 04/03/2006 - 1:52am

انا فكرت اعملها ويكى بس انا اسهلى اولد ملفات السكربت اللى هاتخلى الموضوع ده ممكن لو هى فى قاعدة بيانات

انا لسه هاعمل امكانية التعديل و امكانية تحميل الملفات بس ادونى وقت

Submitted by phaeronix (not verified) on Sat, 04/03/2006 - 5:35am

انتظروا افكار مفتكسة كتير منها المدقق الاملائي الجديد و كتابة فرانكوفونية في كل فرعونكس
يله محدش واخد منها حاجة.

Submitted by d (not verified) on Mon, 06/03/2006 - 10:08am

يا ألف، لو شوفت الرابط هاتلاقي شوية كلمات من إللي انت بتسأل عليهم، وربنا يعينهم ويعينا :-)

Submitted by dr_drsh (not verified) on Thu, 04/05/2006 - 5:51am

السلام عليكم

عجبتني اوي كلمة "منتديات الجهل" ,هي فعلا منتديات الجهل أو زي ما بيحبو يسموها "شبكة تطوير الجهل" أو "شبكة أبو نواف للجهل",ربنا يهديهم بقه.

هو أي نعم مع انها كلمة اتقالت في منتدى جاهل بس فيها شيء من الصحة,عارف مثلا لو التاريخ هو اللي قال على الفراعنة طغاة كنت أوفقك و أقول ماشي يا عم سمميها على اسمهم,لكن الكلام ده جه في القرآن,يعني احترامك لدينك يستوجب انك متسميهوش بالاسم ده لأن ده فيه رفع لشأن شخصية أو قوم ربنا غضب عليهم ديه الفكرة مش أكتر,هو البوست ده بقاله بتاع شهرين فمعرفش بقه انتو وصلتو فين مع الفكرة ديه,بس ربنا يعنكو.

مصطفى

Submitted by msameer on Thu, 04/05/2006 - 8:50am

يا اخ مصطفى

فرعونكس مش بتاعتى لكن تقدر تتكلم مع اسلام "شوف يا اخى اسمه اسلام و مسميها على اسم فرعون :-)"

Submitted by dr_drsh (not verified) on Sun, 07/05/2006 - 7:33am

اهو انا كده عملت زي مستخدم عربي خام فاكر ان الـ "نيوق" أو الـ "في بي" عملينه ناس عرب "مال ده و مال البوست,معنديش فكرة,هي اتكتبت كده",لا مؤاخذه عالجهل,لما ابقى أفضى هبقي أشوف الحج اسلام"قال يعني الواد هقنعو :|",أصل بعيد عنك ياخويا عندي بكرة امتحان فرما "معاك طب أزهر" والـ "سي ان اس" دخل في الحاجات التانية والواحد مش ملاحق,أظن انت عندك فكرة عن المواضيع ديه,و ألف شكر عالرد

Add new comment

Subscribe to /  digg  bookmark