Writings Photos Code Contact Resume
Egypt

You are here

هاها

Submitted by msameer on Tue, 21/02/2006 - 9:27pm

حتى البقر اتجنن ... حتى البقر اتجنن

حتى الفراج اتنفلز ... حتى الفراج اتنفلز

و ليكم عليا اشرب ميه من الحنفيه و اكل فراخ كمان

يظهر الواحد اتجنن هو كمان

:-D

طب و الله الناس اللى عايشه فى بلدنا دى غلابه وولا هم فاهمين حاجه

ياعنى لما ترمى الفراخ فى النيل "اذا كان ده حصل فعلا" ما انت هاتشرب من المياه دى تانى

النظريه ان هم متعودين ان اى حاجه تترمى فى النيل من اول ولامؤاخذه لحد الحمير الميته

وياسلام لما النوبه و الناس اللى فى جنوب مصر لما "تفيرس النيل" و نتظبط كلنا

طب و غلاوتكم عندى مش قادر الوم الناس اللى بتخبى الفراخ علشان ما تندبحش. طب ماهى فلوسهم برضوا. يعملوا ايه يعنى ؟ يسيبوها تضيع كده ؟

طب انا عندى حل: يغلوا الفراخ فى المياه وبكده تتحقق 3 فوايد:
1: المياه اللى بيغلوا فيها دى هاتتعقم و تبقى صالحه للاستخدام الادمى بدل مياه النيل المتفيرسه!
2: الفراخ هاتستوى و ممكن تتاكل
3: لو الفرخه ماماتتش يبقى هاتدفى و تشعر بالحنان وساعتها يا هتديك انتاجيه اكبر يا هتساعدها تقاوم المرض. و انتم عارفين الدنيا برد!
4: الفيروس هايموت
5: استفدت ريش فراخ. يالله صباح المخدات اللى هاتتعمل "مين قال انه ريش النعام بس هو اللى ينفع ؟"
6: الفرخه هاتبيض بيض مسلوق يابوووووووووووووووى!!!!!!!!!!!!!!

طب بجد انا مش متصور عساكر الامن المركزى و هم بيجروا ورا بطه ولا فرخه فى الشارع :-)

طب عندى فكره هايله علشان نقضى على زيادة الشكان:

احنا نرمى الفراخ بقشرها فى المياه
السمك يبلعها يتعدى
السمك الناس تاكله و كل سنه و احنا و انتم طيبين

و الله انا مش عارف ايه التهييس اللى فوق ده. تاكلوا معايا لحمه و رز و خضار ؟ :-)

هم يضحك...
و هم يبكى...
و هم يا جمل...
... و هامبورجر!!!!!!!!!!!!!! ;-)


الجنيه الخامس

Submitted by msameer on Mon, 20/02/2006 - 7:50pm

دفعتنى الحاجات الفسيولوجية الحساسة الى اعتياد ركوب الاتوبيس المكيف ال CTA ايام الجمعه من كل اسبوع

طبعا مش فاهم اشمعنى البنت محجبه و ليه القران اللى شغال فى خلفية فيلم زى ده و مش فاهم ايه لازمة السبحه اللى فى الفيلم

بصراحه لسه متفرج عليه و كان نفسى احطه هنا و الناس تتفرج عليه بس مش شايف ان ده صح

انا بس نفسى اعرف: من امتا التدخين مسموح بيه فى المكيف ؟ ;-)

على اى حال ادى الموقع بتاعه.


بابا محمد مش بابا نويل

Submitted by msameer on Thu, 26/01/2006 - 2:24pm

حل مشاكل الدنيا و الاخره هى بابا محمد بدلا من بابا نويل يا اتباع محمد

المولد النبوى القادم حد كويس و كريم يجيب هدايا باسم بابا الرسول محمد و يخليه ينزل من المدخنه يوزع الهدايا

خلي الشعب يعيش

تعليق من BooDy: ده خالد الجندي يا اخواننا يعني ليس عليه حرج عديها الناس لبعضيها

Thanks Mardini.



تفاؤل

Submitted by msameer on Sat, 21/01/2006 - 1:34pm

ايه يا BooDy متضايق ليه ؟


ناقم على البلد اللي عايش فيها و لازم اسافر لآخر الدنيا علشان الاقي شغل

مبسوط علشان هسافر اشتغل و اشوف الدنيا و علشان لما اجى راجع اجازه هاشعر باشتياق لمن احبو هاتبسط لانى هاحسسهم باشتياقى


ناقم على جزء كبير من الشعب بيطالب بالحريه و بيرفض إعطائها لغيره

مبسوط لانى هاعرف انى احسن منهم و ممكن الاقى فرصه احاول اغيرهم يعنى هاعمل حاجه للناس


ناقم على جزء كبير من الشعب بيرفض احتقار الخليجيين له و في نفس الوقت بيحتقر اللاجئين السودانيين

مبسوط لانهم كشفوالى واحد من اهم العيوب وهاخد بالى علشان ماعملش زيهم


ناقم على الحكومة الدكتاتورية المقنعه بقناع من الطيبه و الديموقراطية المزيفة

يبقى عندى هدف اسعى له لال وهو العمل على تغيير هذا الشى
علشان اقل حاجه اعملها للناس اللى باحبها انى احاول اخليهم يعيشوا فى بلد احسن


ناقم على الحكومة اللي بتكافئ الفاسد و القذر و عديم الأخلاق و بتدفن الكفائة و الشرف

مبسوط لان ده بيخلينى مختلف بل و احسن منهم و يخليهم يحقدوا على علشان مش عارفين يبقوا زيي


ناقم على وزير بيهدد بمحاسبة المسئولين عن خطأ حصل لفنانه بتشفط دهون و دلوقتي في غيبوبه و ضحايا مسرحية بني سويف دمهم راح هدر و كأنهم كلاب بل الكلاب لهم سعر أغلى

كويس اهم هايتحاسبوا و يمكن يتغيروا و اللى بعدهم يكونوا احسن


ناقم على الجيش اللي ضيع سنه من عمري مستني ورقه علشان اعرف اروح آخر الدنيا الاقي شغل و في الآخر غلط الجيش غلطه زودت كمان شهر

مبسوط عشان ممكن فى السنه دى اتعلم لغة برمجه جديده او اطور من نفسى


ناقم على شيئ و ليس شيخ اسمه محمد هدايه قبض قرشين علشان يدعم كلب الحزب الوطني في الانتخابات و بتفتح له الفضائيات ابوابها و مشايخ شرفاء آخريين بيتسائلوا في نهاية خطبة الجمعه يا ترى هيروح بيتهم ولا على امن الدولة النهارده

مبسوط عشا عرفت ان الراجل ده بطيخه و كمان عرفت ان الناس كلها مخدوعين فيه
هدف لحياتى ان اجعل الجميع يرى هذا


ناقم على كل اللي جنبي و مصرين يحولوني لنسخه منهم لأن هو ده النجاح في نظرهم

مبسوط علشان هم مش هايعرفوا و اكيد ممكن اتعلم منهم الصبر و كيفية التخطيط و المثابره على هدف


ناقم على إني لازم اضحك و بصوت عالي كمان لأني بكره شعور ان حد يحس بالشفقه تجاهي

مبسوط علشان باقدر اضحك فى عز الازمات :-)


No more phaeronix contributions for me.

Submitted by msameer on Thu, 19/01/2006 - 4:39pm

No more phaeronix contributions for me.

Please, I hate this ....... .

Note to self: Be prepared for a lot of depressing things and a lot of discussions the following days.


AfricaSource 2, I'm back

Submitted by msameer on Wed, 18/01/2006 - 2:42am

I'm back.
I did it again and pissed in the source of the nil for the last time on the last night.
Next day we had to empty the resort, The last bus left at about 12, Damn that long way.

Nuagara hotel was full, We had to spend the night in another one called Antonio sessions club or whatever. No, I won't be able to say goodbye to my friends :-(

I slept early, Next day we were supposed to go to the city, But they told me that I have to go to Niagara because there's a bus leaving to the airport.
Good, I can say goodbye to all my friends.

To the airport and the 1st kiss in my life ;-)
Flight delay again.
Departure at 8:15 or so, It was supposed to b at 5:40

To Adis Ababa, The other flight to Cairo airport and here I'm!

Downloading my email.


اه يا بلد التطعيم فيها بقه بالواسطه

Submitted by msameer on Thu, 05/01/2006 - 1:16pm

صحيت المهارده الساعة عشرة الصبح

رحت منطقة التجنيد اللى فى جسر السويس و اخدت تصريح السفر
الغريب ان كل ده ماخدش اكتر من ساعة "لا ساعة جوه منطقة التجنيد مش ساعه من ساعة ما صحيت"

المهم خلصت و رحت طالع على مكتب طعيم المسافرين اخليهم يشكشكوا فى بابرهم

منال كانت هناك و قالوا لها مافيش تطعيمات. روحى العتبه او ممكن تاخدى حقنة مياه من النيل هاتبقى فل الفل ولا اجدعها طعيم النص التانى من عندى"

المهم ماما كانت هناك و دخلت اتكلمت مع الدكتور فالراجل كتر خيره رضى يخلينا ناخد

المهم وصلت انا بس بصراحة الممرضه ايديها تتلف فى حرير ولا حسيت بحاجه

المهم انا فى المكتب لسه ماشترتش باقى الحاجات و ما وضبتش الشنطه و ماعملتش اى حاجه ابدا!



ها نعرف بعض ازاى ؟؟؟

Submitted by msameer on Sat, 19/11/2005 - 12:02pm

مش عارف ابدا منين

من شهر سبتمبر اللى فات و هم مش عارفين ينظموا لقاء و ماتفهمش يا اخى كل واحد فيهم مكسوف ولا خايف يحدد مكان و يخلص

يا جماعه حد ياخد المبادره

و ما تفهمش الناس عايزه حد يتحايل عليها تيجى

المهم لما ربنا هداهم و و حددوا ميعاد ظهرت مشكله تانيه؟

ها نعرف بعض ازاى ؟؟.

يمكن اسكندريه مافهاش موبايلات يا اخى

و برغم كل الحلول فيه ناس ماراحتش علشان مش عارفه هاتعرف بعض ازاى

4 بس اللى راحوا, مش وحش ابدا.

عارفين اتكلموا عن ايه ؟

نانسى عجرم

يوسف اسعد كان عنده حق


Pages